Факир Байкурт

Факир Байкурт  (лақап аты Fakir Baykurt; шын есімі — Тахир Вели; 30.04.1929 жылы Акчакөй, Бурдур облысында туылған; 11.10.1999 жылы Эссенде дүниеден өткен) – түрік жазушысы. Шаруа отбасында дүниеге келген. 1949 жылы Мұғалімдер ауыл институтын, 1955 жылы Анкара қаласында Гази институтын  бітірген. 1960 жылы Бастапқы білім беру мектебінде инспектор, 1971 жылы солшыл демократиялық бағыттың көрнекті өкілі ретінде Түркияның Жұмысшы партиясының жетекшісімен бірге тұтқындалып, 1973 жылға дейін қамауда болады. 1946 жылдан бастап ақын ретінде жарық көре бастайды. 1950 жылдардан бастап түрік ауылдарының өмірі жайлы барлық әлеуметтік шиеленіс қарама-қайшылықтардың жаңадан бой көтеруі, прозашы ретінде шынайы шығармалары шығады. «Секпіл» («Çilli», 1955), «Құрсақ ауруы» («Karın ağrısı», 1961), «Қортық Мухаммет» («Cüce Muhammet», 1964) және т.б. әңгімелер жинағы, «Жыландардың өші» («Yılanların öcü», 1959, орыс.ауд. 1964) және «Иразджи тіршілігі» («İrazcanın dirliği», 1961) роман-дилогиясы, «Оныншы ауыл» («Onuncu köy», 1961, орыс.ауд. 1967), «Американдық орама» («Amerikan sargısı», 1967) және т.б. романдары бар. Сонымен қатар, балалар әңгімелерін де жазған.