Қуандық Түменбай

Қуандық Түменбай.  1955 жылы Қызылорда облысы, Шиелі ауданы, "Қызылту"колхозында (қазіргі Ыбырай Жақаев ауылы) туған. Қазақ Ауыл шаруашылығы институтында оқыған. Қазақ Ұлттық университетінің журналистика факультетін,  
Мәскеу Әдебиет институтын бітірген. 
1977 жылдан бастап, зейнетке шыққанша баспасөз саласында жұмыс істеген. "Лениншіл жас" газетінде тілші, "Жұлдыз "журналында проза бөлімінің меңгерушісі,  Бас редактордың орынбасары, "Алматы ақшамы" газеті Бас редакторының орынбасары, Баспасөз және бұқаралық ақпарат министрлігінің Бас редакторы, "Қазақстан" баспасының Бас редакторы, "Үркер" роман-газетінің Бас редакторы болып істеген. 1984 жылдан КСРО Жазушылар одағының мүшесі. Қазақстан Жазушылар одағының Басқарма мүшесі,  проза кеңесінің төрағасы. 
 Отыздан аса прозалық және публицистикалық кітаптары жарық көрген. Шығармалары ағылшын, араб, орыс, қытай, түрік, неміс, кәріс, ұйғыр тілдеріне аударылған. 
 Қазақстанның еңбек сіңірген қайраткері. Түркі дүниесіне қызметі үшін,  Алаш Халықаралық сыйлықтарының, "Айбоз"Ұлттық сыйлығының лауреаты, Стокгольмде өткен прозашылар фестивальінің Бас номинанты.
Қызылорда облысы, Шиелі ауданының құрметті азаматы, Қазақстанның құрметті жазушысы.