Мұзафар ӘЛІМБАЕВ
(Логогрифтер)
Мені жұтсаң,
қуанып,
Тыныс алып тұрасың.
Қоссаң алдан бір әріп,
Маған суды құясың,
Малдарыңды суарып.
(Ауа – Науа)
***
Қуанғанда қиқулайсың мені айтып,
Қуанышты қостаушыны молайтып.
«Б» әрпін қос әлгі сөздің басына,
Балдырған боп жетіп келем қасыңа.
(Алақай – Балақай)
***
Жарататын қалың ел
Жанға жайлы қоңыр жел...
Дауысты әріп жалғасаң,
Нұр-сәуленің молын көр.
(Самал - самала)
***
Ұлпадай жұмсақ құс жүні,
Тоңдырмас сені қыс күні.
«Қ» орнына «Р» қойсаң:
Азырак қана ойлансаң,
Көктемгі аймын шуақты
Елжірер анаң сияқты.
(Мамык – мамыр)
***
Үлкен астау, төрт әріптен тұрады.
Судың мынау жасанды бір бұлағы....
Енді соған «Т» дыбысын қосқанда
Қантқа ұқсас тәтті болып шығады.
(Науа-т)
Материалды көшіріп жариялау үшін редакцияның немесе автордың жазбаша, ауызша рұқсаты қажет және Adebiportal.kz порталына гиперсілтеме берілуі тиіс. Авторлық құқық сақталмаған жағдайда ҚР Авторлық құқық және сабақтас құқықтар туралы заңымен қорғалады. adebiportal@gmail.com 8(7172) 57 60 14 (ішкі - 1060)
Мақала авторының көзқарасы редакцияның көзқарасын білдірмейді.
