Жақан СМАҚОВ
***
Маң-маң басқан жүрісі,
Барлық құстың ірісі.
Қашқанда құстай ұшпайды,
Қуғанын, бірақ, ұстайды.
(түйеқұс)
***
Өзі сақ,
Өзі ұзақ,
Шықылықтап тұрмайды.
Өсекшіге ұқсап,
Құйрығы ұзын, ала,
Бұл қандай құс, бала?
(сауысқан)
***
Аша тұяқты,
Сиыр сияқты.
Мүйізі аршаға ұқсаған,
Адам үйретіп, қолында ұстаған.
(бұғы)
***
Аюдай түсі бар,
Пілдей тісі бар.
Суда жүзеді,
Балық сүзеді.
(морж)
***
Тарғыл-тарғыл тас па,
Тастан, бірақ, басқа.
Ауыл да мекені,
Қала да мекені.
Жолаушы жүрсең,
Шығарып салады.
Алдыңнан шығады,
Жаныңды еркелетеді.
(қарлығаш)
Материалды көшіріп жариялау үшін редакцияның немесе автордың жазбаша, ауызша рұқсаты қажет және Adebiportal.kz порталына гиперсілтеме берілуі тиіс. Авторлық құқық сақталмаған жағдайда ҚР Авторлық құқық және сабақтас құқықтар туралы заңымен қорғалады. adebiportal@gmail.com 8(7172) 57 60 14 (ішкі - 1060)
Мақала авторының көзқарасы редакцияның көзқарасын білдірмейді.
