Жақан СМАҚОВ
***
Ағашта жабысып тұрады,
Тұмсығын аямай ұрады.
(тоқылдақ)
***
Орман, тоғай мекені,
Көктемде ойнағы бар,
Қыста өзгеріп кетеді.
Бұл қандай құс, балалар?
Ойланып ал?!
(құр)
***
Аяғы жоқ жүреді,
Қанаты бар ұшпайды.
Балалар оны,
Отырып-ақ ұстайды.
(балық)
***
Өзі тісті,
Емес күшті.
Тышқан боп туып,
Құс болып ұшты.
(жарқанат)
***
Тас қуыста жүрегі,
Арқалап үйін жүреді.
Құрғақ та, суда да,
Жатсынбай өмір сүреді.
(ұлу)
Материалды көшіріп жариялау үшін редакцияның немесе автордың жазбаша, ауызша рұқсаты қажет және Adebiportal.kz порталына гиперсілтеме берілуі тиіс. Авторлық құқық сақталмаған жағдайда ҚР Авторлық құқық және сабақтас құқықтар туралы заңымен қорғалады. adebiportal@gmail.com 8(7172) 57 60 14 (ішкі - 1060)
Мақала авторының көзқарасы редакцияның көзқарасын білдірмейді.
