Ерболат Әбікенұлы

Ерболат Әбікенұлы Қытай Халық Республикасының Шыңжаң-Ұйғыр автономиялық районы, Санжы қаласына қарасты Мөргу ауылында дүниеге келген. Осы ауылда 1990 жылы Мөргу ауылдық сегіз жылдық мектептің табалдырығынан аттап, аталмыш мектепті 1998 жылы бітірді, 2001 жылы Санжы қалалық №3 орта мектебінің қазақ бөлімін тамамдаған.

2002 жылы Қазақстанға келген қаламгер әл-Фараби атындағы ҚазҰУ-дың филология факультетіне түсіп, оны 2007 жылы бітіріп шығады. Балаларға арналған «Бірінші байлық», «Алтынбұтақ» ертегі кітапшаларының, «Кіші ғылыми қызметкер», «Елу теңге», «Ақын», «Күйеу бала», «Ауыл әкімі», «Пәтер іздеп жүр едік» т.б. әңгімелерінің, студенттерге арналған шетелдегі қазақтардың рухани тұтастығы мен өзара әдеби сабақтастығы туралы мәлімет беретін «Шетел қазақтарының әдебиеттануы» атты ғылыми монографияның авторы. Көркем прозада «Министр», «Жас толқын» сериясымен «Желтоқсан ызғары» атты әңгіме жинақтары жарық көрген.