Әдебиет - ұлттың жаны. Ұлттық сана, тағдыр, жан жүйесі - көркемөнердің басты тақырыбы. Таптық жік арқылы әдебиет жасалмайды...
Жүсіпбек Аймауытұлы

Басты бет
Әдеби үдеріс
Қарағандыдан шыққан қаламгерлер

07.11.2018 423

Қарағандыдан шыққан қаламгерлер

Ұлы Қасымның құлын күні өткен Қарағанды өңірі қай заманда да дарынды қаламгерге кенде болмаған. Әріден бастасақ, әдебиет тарихының жеке бір томын түзуге болады. Бергі осы екі ғасыр иініндегі көзі тірі ақын-жазушысының өзі бір қауым...

Әлбетте, талапкер көп жерде бәсеке қызады. Бәсеке бар болса, бәйгінің бәсі де биіктеу. Қарағандының әдеби ортасында талғам биіктігі мен мақсат-мүдде ортақтығы осыдан туындағаны анық.

Өткен ғасыр соңына қарай Тәуелсіздік тәй басқанға дейінгі жылдары-ақ мұнда Қасымның інілері мен Сәкеннің үлгісін ұстанған қаламгер ұрпағы өзіндік орта жасап, ту тігіп, ду қыздырған екен. Жазушы, тар жол-тайғақкешті тағдырлы жазушы Жайық Бектұров, ғұлама Ебін-Ғабиден Бөкетов бастатқан алыптар, атағы Алашқа кеткен Серік Ақсұңқарұлы, Жүрсін Ерман, ардакүрең Ғалым Жайлыбай сынды һәм өзге де дәуір тудырған дүрлер мен ірілер әдебиеттің көрігін қыздырған. Сонау Қаздауысты Қазыбек, Бұқар жырау, Қараменде би, Шортанбай, Әсет пен Кемпірбай, Шашубай мен Доскейлер лаулатқан сол от өткен ғасыр өренінің өзегіне от бергені анық. Сол от әлі де өшкен жоқ. Күн сөнгенше сөнбейді де...

Қазақтың қараорманы Қарағанды топырағында туып, қазақ даласының шартарабында, тіпті алыс-жақын жат елде тұрып, тірлік кешіп жатқан ақын-жазушылар да осы Арқаның өнімі, ой-санасының жемісі.

Қара алтынымен жаһанды жылытып отырған Қарағанды қара сөз, қара өлеңімен де ел жүрегінің етегіне шырақ жағып, жылыта алады...

Серік САҒЫНТАЙ,

Қазақстан Жазушылар одағының

Қарағанды облыстық филиалының директоры


Біздің Telegram-парақшамызға жазылыңыздар! Бізбен бірге болыңыз!


Материалды көшіріп жариялау үшін редакцияның немесе автордың жазбаша, ауызша рұқсаты қажет және Adebiportal.kz порталына гиперсілтеме берілуі тиіс. Авторлық құқық сақталмаған жағдайда ҚР Авторлық құқық және сабақтас құқықтар туралы заңымен қорғалады. Adebiportal@gmail.com 8(7172) 79 82 12 (ішкі – 112)

Мақала авторының көзқарасы редакцияның көзқарасын білдірмейді.


Теги: қарағанды облысы, серік сағынтай, әдебиет, поэзия, #Проза
(0)
Пікір қалдыру:
Captcha

Ең көп оқылғандар